I wrote this as i was pained to read an article about river "Ganga" being polluted..and ya to mention Yamuna..which is like a flowing drain in Delhi..thats right Delhi has its own river.."Yamuna" but so pathetic in her condition...my heart cries for that..and hence the words flow...
main ek nadi hun..milne chali hun samndar se...
aao chalo mere saath mere safar par...
pahadon ki god me meri rangat chaand ko bhi feeka karti hai
saaf-pavitar jaise koi phool khila ho abhi..
aage khula aasmaan hoga, aur mere kinaare ugenge kuch khaamosh saathi bhi
dikhega saaf aks tumhara mere pani me..
tab tak..jab tak koi rang na ghule mujh me
ya na bahe koi deep, koi murda jism mujh me..
puja karna chahte ho meri..
to kya zaruri hai manthan mera??
maine kab maanga hai tumse kuch..
par mujhse na cheeno wo..jo mera hai...
ab
thodi aur angdaai lungi me..
to kar lo kaid mujh mitti ki diwaaron me...
banao meri raftaar se bijlee par..
mere motiyon ka thikaana mat cheeno..
ek duniya basti hai mere andar bhi..
use kyon banjar karna chahoge???
badloge meri raahien...
to kuch na paaoge..mere saath bas behte hi jaoge..
main to amrit thi khuda ka..
aansu na banao mujhe..
maine to seencha hai, mitti ki maang ko..
usi maang ko na ujadwao mujhse...
wo aa gya baahein phailaayen samandar..
us ki aagosh me sma jana hai..
ye mera ant hai..par
tumne mujhe mara hai..har mod par..
pilaaya hai zeher mujhe apne jehen ka..
dum toda hai...maine har baandh(dam) me..
ab to bas behti hun main kisi shayaar ki ghazal me
ya dabi hun tasveeron me chitarkaar ki..
par jisne banaya mujhe mere asal rang me..
wo kaala to nai tha..
wo kaala to nai tha..
peeche mudkar dekhu to...gumaan hota hai..
kya ise se badtar bhi insaan hota hai..
jo nikli thi main pura karne maksad..
uske khatm hone ka ehsaas yahaan hota hai...
yahaan hota hai...
Subscribe to:
Post Comments (Atom)
No comments:
Post a Comment