Golden days....

U know...aaj dil thoda udaas tha..bcz an important phase in our lives has passed like..sand from hands..bas phir haath ruk nai sake..likhne ko bahut kuch tha...par...

aaj khatm ho gya..
ek kissa jo sabse lazeez tha..
itne khwabon, khwahishon ke beech bhi, dil ke kareeb tha..



is kisse main, kabhi khub hansa main,
aur kabhi roya ji-bharkar..

har roz, subah ke saath..
bhagam-bhag main kuch-n-kuch bhool jana,
kabhi koi notebook, kabhi koi pen,
to kabhi kabhi to so kar uthna hi..

to kabhi kisi din...
neend aankhon se sadiyon door hoti,
aur phir jo aankh lagti..wo exam likhte hue hi..
na jaane kitni baar choda maine
wahi sawaal jo aata tha khaas mujhe...

kabhi na socha tha..aage ki aur..
bas jee rha tha...usi ek kisse me.
koi hansi..pichkaari ki tarah chuuti
aur phata gubbaara thahaaka ka...
phir dekhne layak hoti teacher ki khisyaati-si surat..

aur na jaane kitne gud-gudaate lamhe chip gaye hain..
man ke andheron me..
jo nikalenge kisi udaas shaam me..
Coffee..ki naram chuskiyon me..